Episode 18 - Play time! (Catullus 50)

 

Hesterno, Licini, die otiosi
multum lusimus in meis tabellis,
ut convenerat esse delicatos:
scribens versiculos uterque nostrum
ludebat numero modo hoc modo illoc,
reddens mutua per iocum atque vinum.
atque illinc abii tuo lepore
incensus, Licini, facetiisque,
ut nec me miserum cibus iuvaret
nec somnus tegeret quiete ocellos,
sed toto indomitus furore lecto
versarer, cupiens videre lucem,
ut tecum loquerer, simulque ut essem.
at defessa labore membra postquam
semimortua lectulo iacebant,
hoc, iucunde, tibi poema feci,
ex quo perspiceres meum dolorem.
nunc audax cave sis, precesque nostras,
oramus, cave despuas, ocelle,
ne poenas Nemesis reposcat a te.
est vehemens dea: laedere hanc caveto.

 

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   

Episode 17: The Most Offensive Thing Ever (Catullus 16)

WARNING: ADULT CONTENT AND ADULT LANGUAGE

This poem contains obscene language in Latin, and will be translated with obscene language in English. If you are offended, please do not listen. 

Pedicabo ego uos et irrumabo,
Aureli pathice et cinaede Furi,
qui me ex uersiculis meis putastis,
quod sunt molliculi, parum pudicum.
nam castum esse decet pium poetam            5
ipsum, uersiculos nihil necesse est;
qui tum denique habent salem ac leporem,
si sunt molliculi ac parum pudici,
et quod pruriat incitare possunt,
non dico pueris, sed his pilosis                     10
qui duros nequeunt mouere lumbos.
uos, quod milia multa basiorum
legistis, male me marem putatis?
pedicabo ego uos et irrumabo.

 

Bibliography

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.    

Episode 16 - Control Your Penis, Or Else! Catullus 15 (XV)

Mugil cephalus

Mugil cephalus

WARNING: ADULT CONTENT

COMMENDO tibi me ac meos amores,
Aureli. ueniam peto pudentem,
ut, si quicquam animo tuo cupisti,
quod castum expeteres et integellum,
conserues puerum mihi pudice,                       5
non dico a populo—nihil ueremur
istos, qui in platea modo huc modo illuc
in re praetereunt sua occupati—
uerum a te metuo tuoque pene
infesto pueris bonis malisque.                         10
quem tu qua lubet, ut lubet, moueto
quantum uis, ubi erit foris paratum:
hunc unum excipio, ut puto, pudenter.
quod si te mala mens furorque uecors
in tantam impulerit, sceleste, culpam,             15
ut nostrum insidiis caput lacessas,
a tum te miserum malique fati!
quem attractis pedibus patente porta
percurrent raphanique mugilesque.

 

Bibliography

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.    

Episode 15 - A Gormless Grin, a Spanish Smile (Catullus 39)

(Toothpaste advertisement, 1938.)

(Toothpaste advertisement, 1938.)

 

Egnatius, quod candidos habet dentes,
renidet usquequaque. si ad rei uentum est
subsellium, cum orator excitat fletum,
renidet ille; si ad pii rogum fili
lugetur, orba cum flet unicum mater,           5
renidet ille. quidquid est, ubicumque est,
quodcumque agit, renidet: hunc habet morbum,
neque elegantem, ut arbitror, neque urbanum.
quare monendum est te mihi, bone Egnati.
si urbanus esses aut Sabinus aut Tiburs       10
aut parcus Vmber aut obesus Etruscus
aut Lanuuinus ater atque dentatus
aut Transpadanus, ut meos quoque attingam,
aut quilubet, qui puriter lauit dentes,
tamen renidere usquequaque te nollem:       15
nam risu inepto res ineptior nulla est.
nunc Celtiber es: Celtiberia in terra, 
quod quisque minxit, hoc sibi solet mane
dentem atque russam defricare gingiuam,
ut, quo iste uester expolitior dens est,          20
hoc te amplius bibisse praedicet loti. 

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   

News and Announcements

A brief podcast, featuring some news and announcements, as well as some great Australian music.

The song is 'I was only 19' by The Herd, a cover of a brilliant song about Australians in the Vietnam War, written by Redgum.

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   


Episode 14 - To Cicero (with Sarcasm?) (Catullus 49)

DISERTISSIME Romuli nepotum,
quot sunt quotque fuere, Marce Tulli,
quotque post aliis erunt in annis,
gratias tibi maximas Catullus
agit pessimus omnium poeta,        5
tanto pessimus omnium poeta,
quanto tu optimus omnium patronus.

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   

Episode 13 - Pretentious Pronunciation (Catullus 84)

CHOMMODA dicebat, si quando commoda uellet
    dicere, et insidias Arrius hinsidias,
et tum mirifice sperabat se esse locutum,
    cum quantum poterat dixerat hinsidias.
credo, sic mater, sic liber auunculus eius,      5
    sic maternus auus dixerat atque auia.
hoc misso in Syriam requierant omnibus aures:
    audibant eadem haec leniter et leuiter,
nec sibi postilla metuebant talia uerba,
    cum subito affertur nuntius horribilis,       10
Ionios fluctus, postquam illuc Arrius isset,
    iam non Ionios esse sed Hionios.

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   

Episode 12 - Hate and Love (Catullus 85)

Catullus 85 tattoo (not belonging to me).

Catullus 85 tattoo (not belonging to me).

ODI et amo. quare id faciam, fortasse requiris?
    nescio, sed fieri sentio et excrucior.

 

Note: if you enjoyed the beautiful song at the beginning and end of the podcast, in which Love and Hate are personified, you can enjoy the full song here, or here (with lyrics)

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.  



Episode 11 - Sapphic Scenes (Catullus 51)

Catullus 51

ILLE mi par esse deo uidetur,
ille, si fas est, superare diuos,
qui sedens aduersus identidem te
    spectat et audit

dulce ridentem, misero quod omnis    5
eripit sensus mihi: nam simul te,
Lesbia, aspexi, nihil est super mi
   ***          <?uocis in ore?>

lingua sed torpet, tenuis sub artus
flamma demanat, sonitu supote         10
tintinant aures, gemina teguntur
    lumina nocte.

otium, Catulle, tibi molestum est:
otio exsultas nimiumque gestis:
otium et reges prius et beatas            15
    perdidit urbes.

 

Click here to read the Greek text of Sappho's poem, and a translation.

Click here for more translations.

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.  

Episode 10 - Lover's Paradox (Catullus 72)

DICEBAS quondam solum te nosse Catullum,
    Lesbia, nec prae me uelle tenere Iouem.
dilexi tum te non tantum ut uulgus amicam,
    sed pater ut gnatos diligit et generos.
nunc te cognoui: quare etsi impensius uror,    5
    multo mi tamen es uilior et leuior.
qui potis est, inquis? quod amantem iniuria talis
    cogit amare magis, sed bene uelle minus. 
 

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   

Episode 9 - So she says! (Catullus 70)

 

NVLLI se dicit mulier mea nubere malle
    quam mihi, non si se Iuppiter ipse petat.
dicit: sed mulier cupido quod dicit amanti,
    in uento et rapida scribere oportet aqua.

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   

Episode 8 - SPECIAL EDITION: Dr Maxine Lewis on Catullus

This is a very special episode, the longest ever by far, in which I have a conversation with a friend of mine, Catullus expert, Dr Maxine Lewis. We discuss what we like about Catullus, problems of interpretation, approaches to Latin literature, and dealing with difficult topics in the classroom. I hope you enjoy this, and a big thanks to Maxine for speaking with me!

Warning: some explicit language (in the context of a translation of the first line of Catullus poem 16).

If you'd like to learn more about Maxine, you can visit her profile page.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   

Episode 7 - Dinner Time, BYO Meal, Catullus 13 (XIII)

CENABIS bene, mi Fabulle, apud me
paucis, si tibi di fauent, diebus,
si tecum attuleris bonam atque magnam
cenam, non sine candida puella
et uino et sale et omnibus cachinnis.               5
haec si, inquam, attuleris, uenuste noster,
cenabis bene; nam tui Catulli
plenus sacculus est aranearum.
sed contra accipies meros amores
seu quid suauius elegantiusue est:                   10
nam unguentum dabo, quod meae puellae
donarunt Veneres Cupidinesque,
quod tu cum olfacies, deos rogabis,
totum ut te faciant, Fabulle, nasum.

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.     


Episode 6 - Get your hands of my napkins, Catullus 12 (XII)

12

MARRVCINE Asini, manu sinistra
non belle uteris: in ioco atque uino
tollis lintea neglegentiorum.
hoc salsum esse putas? fugit te, inepte:
quamuis sordida res et inuenusta est.              5
non credis mihi? crede Pollioni
fratri, qui tua furta uel talento
mutari uelit: est enim leporum
differtus puer ac facetiarum.
quare aut hendecasyllabos trecentos               10
exspecta, aut mihi linteum remitte,
quod me non mouet aestimatione,
uerum est mnemosynum mei sodalis.
nam sudaria Saetaba ex Hiberis
miserunt mihi muneri Fabullus                        15
et Veranius: haec amem necesse est
ut Veraniolum meum et Fabullum.

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store. 

Episode 5 - This is the end, Catullus 11 (XI)

11

FVRI et Aureli, comites Catulli,
siue in extremos penetrabit Indos,
litus ut longe resonante Eoa
     tunditur unda,
siue in Hyrcanos Arabesue molles,                 5
seu Sagas sagittiferosue Parthos,
siue quae septemgeminus colorat
     aequora Nilus,
siue trans altas gradietur Alpes,
Caesaris uisens monimenta magni,                  10
Gallicum Rhenum horribile aequor ulti-
     mosque Britannos,
omnia haec, quaecumque feret uoluntas
caelitum, temptare simul parati,
pauca nuntiate meae puellae                           15
     non bona dicta.
cum suis uiuat ualeatque moechis,
quos simul complexa tenet trecentos,
nullum amans uere, sed identidem omnium
     ilia rumpens;                                               20
nec meum respectet, ut ante, amorem,
qui illius culpa cecidit uelut prati
ultimi flos, praetereunte postquam
     tactus aratro est.

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

N.B., where I said 'Thompson' in the podcast, I mean 'Godwin'. Please forgive me for mixing up my commentators!

 

A special thanks to my friends Erin and Luca from Sullivan & 3rd Design Co., which you can find here. They are fantastic people, and do excellent design work. 

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   

fig-1_m.jpg



Episode 4 - Poor Catullus, poem 8 (VIII)

8.

MISER Catulle, desinas ineptire,
et quod uides perisse perditum ducas.
fulsere quondam candidi tibi soles,
cum uentitabas quo puella ducebat
amata nobis quantum amabitur nulla.                                 5
ibi illa multa cum iocosa fiebant,
quae tu uolebas nec puella nolebat,
fulsere uere candidi tibi soles.
nunc iam illa non uult: tu quoque impote<ns noli>,
nec quae fugit sectare, nec miser uiue,                              10
sed obstinata mente perfer, obdura.
uale, puella. iam Catullus obdurat,
nec te requiret nec rogabit inuitam.
at tu dolebis, cum rogaberis nulla.
scelesta, uae te, quae tibi manet uita?                                 15
quis nunc te adibit? cui uideberis bella?
quem nunc amabis? cuius esse diceris?
quem basiabis? cui labella mordebis?
at tu, Catulle, destinatus obdura.

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.   


Episode 3 - K.I.S.S.I.N.G., Catullus 5 and 7 (V & VII)

5

VIVAMUS, mea Lesbia, atque amemus,
rumoresque senum seueriorum
omnes unius aestimemus assis!
soles occidere et redire possunt:
nobis cum semel occidit breuis lux,                            5
nox est perpetua una dormienda.
da mi basia mille, deinde centum,
dein mille altera, dein secunda centum,
deinde usque altera mille, deinde centum.
dein, cum milia multa fecerimus,                                10
conturbabimus illa, ne sciamus,
aut ne quis malus inuidere possit,
cum tantum sciat esse basiorum.

7

QVAERIS, quot mihi basiationes
tuae, Lesbia, sint satis superque.
quam magnus numerus Libyssae harenae
lasarpiciferis iacet Cyrenis
oraclum Iouis inter aestuosi                                        5
et Batti ueteris sacrum sepulcrum;
aut quam sidera multa, cum tacet nox,
furtiuos hominum uident amores:
tam te basia multa basiare
uesano satis et super Catullo est,                                10
quae nec pernumerare curiosi
possint nec mala fascinare lingua.

 

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.           

Episode 2B - The Return of the Penis, Catullus 3 (III)

3

LVGETE, o Veneres Cupidinesque,
et quantum est hominum uenustiorum:
passer mortuus est meae puellae,
passer, deliciae meae puellae,
quem plus illa oculis suis amabat.                               5
nam mellitus erat suamque norat
ipsam tam bene quam puella matrem,
nec sese a gremio illius mouebat,
sed circumsiliens modo huc modo illuc
ad solam dominam usque pipiabat;                             10
qui nunc it per iter tenebricosum
illuc, unde negant redire quemquam.
at uobis male sit, malae tenebrae
Orci, quae omnia bella deuoratis:
tam bellum mihi passerem abstulistis.                         15
o factum male! o miselle passer!
tua nunc opera meae puellae
flendo turgiduli rubent ocelli.

 

Bibliography

Giangrande, G. (1975). Catullus's lyrics on the Passer. MPL 1, 37-46.

Jocelyn, H. D. (1980). On some unnecessarily indecent interpretations of Catullus 2 and 3. AJP 101, 421-41.

Pomeroy, A. (2003). Heavy petting in Catullus. Arethusa, 36, 49-60.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.

Episode 2 - Sparrow Special, Catullus 2 and 3 (II & III)

The Blue Rock-Thrush (Monticola solitarius)

The Blue Rock-Thrush (Monticola solitarius)

2

PASSER, deliciae meae puellae,
quicum ludere, quem in sinu tenere,
cui primum digitum dare appetenti
et acris solet incitare morsus,
cum desiderio meo nitenti                                           5
carum nescio quid lubet iocari,
et solaciolum sui doloris,
credo, ut tum grauis acquiescat ardor:
tecum ludere sicut ipsa possem
et tristis animi leuare curas!                                         10

2B

tam gratum est mihi quam ferunt puellae
pernici aureolum fuisse malum,
quod zonam soluit diu ligatam.

 

3

LVGETE, o Veneres Cupidinesque,
et quantum est hominum uenustiorum:
passer mortuus est meae puellae,
passer, deliciae meae puellae,
quem plus illa oculis suis amabat.                               5
nam mellitus erat suamque norat
ipsam tam bene quam puella matrem,
nec sese a gremio illius mouebat,
sed circumsiliens modo huc modo illuc
ad solam dominam usque pipiabat;                             10
qui nunc it per iter tenebricosum
illuc, unde negant redire quemquam.
at uobis male sit, malae tenebrae
Orci, quae omnia bella deuoratis:
tam bellum mihi passerem abstulistis.                         15
o factum male! o miselle passer!
tua nunc opera meae puellae
flendo turgiduli rubent ocelli.

 

Bibliography

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

Hooper, R.W. (1985). In defence of Catullus’ dirty sparrow. Greece & Rome, 32.2, 162-178.  

Pomeroy, A. (2003). Heavy petting in Catullus. Arethusa, 36, 49-60.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.

Episode 1 - Introduction to Catullus and Catullus 1 (I)

Cornelius Nepos 

Cornelius Nepos 

1

CVI dono lepidum nouum libellum
arida modo pumice expolitum?
Corneli, tibi: namque tu solebas
meas esse aliquid putare nugas.
iam tum, cum ausus es unus Italorum                         5
omne aeuum tribus explicare cartis
doctis, Iuppiter, et laboriosis.
quare habe tibi quidquid hoc libelli
qualecumque; quod, <o> patrona uirgo,
plus uno maneat perenne saeclo.                                 10

 

Bibliography

Elder, J.P. (1967). Catullus I, his poetic creed, and Nepos. Harvard Studies in Classical Philology, 71, 143-149.

Fordyce, C.J. (1961). Catullus. Oxford: Oxford University Press.

Garrison, D.H. (2008). The Student’s Catullus (3rd ed.). Norman, USA: University of Oklahoma Press.

Godwin, J. (1999). Catullus: The Shorter Poems. Warminster, England: Aris & Phillips Ltd.

Singleton, D. (1972). A note on Catullus’ first poem. Classical Philology, 67.3, 192-196.

 

Listen by using the player below. Remember also that the podcast is available on iTunes here, or by searching for "reading Latin poetry" in the iTunes store.